Tesla avtopılot aqaýyna baılanysty 2 mıllıon kóligin keri qaıtaryp jatyr
Ilon Masktyń Tesla kompanııasy amerıkalyq retteýshi kompanııa kólikteriniń avtomatty basqarý júıesindegi qaýipti aqaýlardy anyqtaǵannan keıin eki mıllıonnan astam elektr kóligin keri qaıtaryp jatyr. Kazinform bul týraly VVS jańalyqtaryna silteme jasap habardaıdy.
Buǵan avtopılot qosýly kezinde kólikterde bolǵan apattarǵa qatysty eki jyldyq tergeý sebep boldy.
Keri qaıtarý 2015 jyldan beri AQSh-ta satylǵan, avtopılotpen jabdyqtalǵan barlyq Tesla kólikterine qatysty.
Bul - Tesla kólikteriniń bıyldyqqa ekinshi ret keri qaıtarylýy.
Ielerine kólikterin satý jáne qyzmet kórsetý ortalyqtaryna aparýdyń qajeti joq: Kompanııa baǵdarlamalyq qamtamasyz etý úshin qajetti mıkrobaǵdarlamany ınternet arqyly tikeleı elektr kólikteriniń borttyq kompıýterlerine jiberetinin aıtty.
Alaıda, bul báribir resmı túrde keri qaıtarý bolyp sanalady.
