Terrorrızmge qarsy ortalyqtyń keńeıtilgen quramdaǵy tuńǵysh otyrysy ótti - UQK
ASTANA. 10 shilde. QazAqparat - Búgin QR Ulttyq qaýipsizdik komıtetiniń Tóraǵasy Nurtaı Ábiqaevtyń jetekshiligimen Qazaqstan Respýblıkasy Terrorızmge qarsy ortalyǵynyń keńeıtilgen quramdaǵy birinshi otyrysy ótti. Bul týraly vedomstvonyń baspasóz qyzmetinen habarlandy.
Keńeske qatysýshylar vedomstvoaralyq ózara árekettestikti jáne terrorızm men dinı ekstremızmge qarsy jalpy memlekettik júıeni nyǵaıtýǵa baǵyttalǵan sharalar qabyldady. QR Terrorızmge qarsy ortalyq otyrysyna mınıstrlik pen vedomstvo basshylary, sondaı-aq «on-laın» rejiminde oblys, Astana jáne Almaty qalalarynyń ákimderi qatysty.
Eske salaıyq, Qazaqstan Respýblıkasy Prezıdentiniń 2013 jylǵy 24 maýsymdaǵy Jarlyǵymen Qazaqstan Respýblıkasy Terrorızmge qarsy ortalyǵy jáne elimizdiń óńirlerinde terrorızmge qarsy komıssııalar týraly tıptik ereje bekitilgen bolatyn.
