Terrorlyq qylmystar jasaǵany úshin aıyptalǵan qazaqstandyq Aýǵanstannan ekstradıtsııalandy
ASTANA. QazAqparat - Aýǵanstannan terrorlyq topty qurý, basqarý, onyń qyzmetin qarjylandyrý jáne Atyraý oblysy aýmaǵynda terrorlyq qylmystar jasaǵany úshin aıyptalǵan qazaqstandyq ekstadıtsııalandy, dep habarlaıdy «QazAqparat» HAA QR Bas prokýratýrasynyń baspasóz qyzmetine silteme jasap.
«Búgin QR Ulttyq qaýipsizdik komıtetiniń járdemimen azamat «Z» Qazaqstanǵa ekstradıtsııalandy.
Ol terrorlyq topty qurý, basqarý, onyń qyzmetin qarjylandyrý jáne Atyraý oblysy aýmaǵynda terrorlyq qylmystar jasaǵany úshin aıyptalýda. 2011 jyldan bastap izdeýde boldy», dep atap ótilgen habarlamada.
Osydan buryn, Aýǵanstan Islam Respýblıkasynyń quzyrly organdary bul azamatty qylmystyq jaýapkershilikke tartý úshin ustap berý týraly Qazaqstan Bas prokýratýrasynyń suranysyn qanaǵattandyrǵan edi.
Jyl basynan ózara kelisim qaǵıdaty negizinde Aýǵanstannan Qazaqstanǵa eki tulǵa ekstradıtsııalanǵan.
