Terrorlyq akti týraly jalǵan aqparat taratqan astanalyq jarty jylǵa sottaldy
ASTANA. QazAqparat - Astanada daıyndalyp jatqan terrorıstik akti týraly kórineý jalǵan habar bergen adam 6 aıǵa sottaldy. Bul týraly Astana qalasynyń prokýratýrasynan habarlandy.
«2014 jyldyń qańtar aıynda azamat Kóshekbaev óziniń uıaly telefonynan 102 nómirine qońyraý shalyp, Astana qalasyndaǵy «Saryarqa» bazarynda bomba qoıylǵany týraly habarlaǵan. Bul rette operatordyń kórineý jalǵan habarlaý úshin qylmystyq jaýapkershilikke tartylatyny týraly eskertýine ol «bazarda bomba bar» dep naqtylaǵan. Keıinnen onyń habary jalǵan bolyp, Astana qalasy ishki ister departamenti men Ulttyq qaýipsizdik departamenti jalpy somasy 25 524 teńgeni quraıtyn materıaldyq shyǵyn shekti», - delingen habarlamada.
Osyǵan oraı, jaqynda Astana qalasy № 2 Saryarqa aýdanynyń soty E.S.Kóshekbaevty QR Qylmystyq kodeksiniń 242 babymen kináli dep taýyp, daıyndalyp jatqan terrorızm aktisi týraly kórineý jalǵan habar taratqany úshin ony 6 aıǵa bas bostandyǵynan aıyrdy.
