Terrorızmge osal bilim berý nysandarynyń sany 10 myńǵa deıin artty
ASTANA. QazAqparat – Terrorızmge osal bilim berý nysandarynyń sany 10 myńǵa deıin artty. Bul týraly Úkimet otyrysynda Іshki ister mınıstri Marat Ahmetjanov aıtty, dep habarlaıdy QazAqparat tilshisi.
«Bilim berý uıymdardaǵy balalardyń qaýipsizdigi – bolashaǵymyzdyń kepili. Bul barlyq organdardyń – basty mindeti. Sondyqtan, bul másele – Іshki ister mınıstrliginiń erekshe baqylaýynda. Buryn terrorızmge osal obektiler qataryna 200 adamnan turatyn oqý oryndary kiretin. 2021 jyly bul ólshem – 100 oqýshyǵa deıin ózgertildi. Nátıjesinde, mundaı bilim berý obektileri 6,5 myńnan 10 myńǵa deıin ósti», - dedi ol.
Osy rette mınıstr Terrorızmge qarsy qorǵaý jónindegi nusqaýlyq bekitilgenin atap ótti.
«Endi adam sany 300-ge deıingi mekemelerde beınebaqylaý men jarııalaý júıeleri bolý kerek. Al, 700 adamǵa deıingi obektiler beınekameralardy Jedel basqarý ortalyqtaryna qosyp, dabyl túımelerin ornatýy tıis. Adam sany 700-den assa, bul uıymdarda jáne oblystyq ortalyqtaǵy mektepterde týrnıketter jáne lıtsenzııasy bar kúzetpen jasaqtalǵan kelisimshart bolýy qajet. Qazirgi ýaqytta, osy talaptarǵa sáıkes, ákimdikter bilim berý uıymdarynyń tizimin jańartyp jatyr», - dedi Marat Ahmetjanov.
