Terrorızmge qarsy kúreske árbir adam úles qosa alady
ASTANA. QazAqparat - Qazaqstan Respýblıkasy Bas Prokýratýrasy men dinderdi zertteý ortalyqtarynyń Qaýymdastyǵy Búkilálemdik terrorızmge qarsy kúresti qoldaý kúnine oraı jańa bastama kóterdi. Osynaý ataýly kúni memlekettik jáne úkimettik emes uıymnyń birlesken jobasy - ekstremızm men terrorızm ıdeıalaryn taratýdyń aldyn alý máselelerin kóterý jáne jarııalaý boıynsha Búkilqazaqstandyq shyǵarmashylyq konkýrs bastaý aldy.
Bul konkýrs Qazaqstan Respýblıkasyndaǵy memlekettik-konfessııalyq qatynastar, ekstremızm men terrorızm ıdeıalaryn taratýdyń aldyn alý salalaryndaǵy eń ózekti máselelerdi talqyǵa salǵan úzdikterdi anyqtaıdy.
«Qazirgi saıası ahýal elimizdiń rýhanı ómirine jaǵymsyz áser etýshi sanqıly qubylystarǵa qarsy turý úshin keshendi sharalar qabyldaýdy talap etip otyr, - deıdi Qaýymdastyq dırektory ıÝlııa Denısenko. - Demek, bul - qazaqstandyq qoǵamnyń dinı jáne konfessııaaralyq qatynastarynda ekstremıstik tendentsııalardyń kóbeıýine memlekettiń quqyq qorǵaý jáne kúsh qurylymdarymen birge mádenıet, ǵylym jáne jalpy azamattyq qoǵam ókilderi de úles qosýǵa tıis ekenin bildiredi. Jobanyń osy jaǵynan da mańyzy erekshe».
Konkýrs ótkizýdegi basty maqsat - ekstremızm jáne terrorızm ıdeıalarynyń radıkaldy dinı ıdeologııaǵa beıimdiligi turǵysynan alǵanda táýekel tobyna jatatyn bilim alýshy jastar arasynda taralýynyń aldyn alý, Qazaqstan azamattarynyń radıkaldanýyna jol bermeý, hanafı mázhabyn ustanatyn eldiń dástúrli qundylyqtary men qaǵıdalaryn nasıhattaý, oqýshy jastardyń qandaı da bir ıdeologııany qabyldaıtyn kezde synı turǵyda oılaný qabiletin damytý, orta bilim deńgeıinen keıingi bilim berýshi uıymdardyń oqytýshylaryn dinı salada ǵylymı jumys júrgizýge yntalandyrý jáne BAQ ókilderin din máselesine qatysty oqıǵalardy beıtarap jáne ádil kórsetýge yntalandyrý.
Konkýrsqa qatysýǵa ótinimder 2015 jyldyń 30 qazanyna deıin qabyldanady. Oǵan stýdentter, stýdenttik shyǵarmashylyq ujymdar, oqytýshylar jáne BAQ ókilderi qatysa alady.
Uıymdastyrýshylar ótinim qabyldaý isin júrgizýde ınnovatsııalyq tehnologııalardy paıdalanýdy jón kóripti. ıAǵnı barlyq ótinimder www.konkurs-acir.kz saıtynda onlaın qabyldanady. Sondaı-aq, sol saıtta unaǵan qatysýshyńa daýys berýge múmkindik jasalǵan.
