«Terrorızmdi ymyrasyz basýǵa memlekettiń múmkindigi jetedi» - respýblıkalyq basylymdarǵa sholý

TANA. 15 qarasha. QazAqparat - Qazaq aqparat agenttigi respýblıkalyq basylymdarda 15 qarasha, seısenbi kúni shyqqan ózekti materıaldarǵa sholýdy usynady.

***

Keshe Aqordada Memleket basshysy Nursultan Na­zar­baev­tyń tóraǵalyǵymen dinı ekstremızm jáne terrorızmmen kúres máseleleri jóninde keńes bolyp ótti. osyǵan oraı «Egemen Qazaqstan» gazetinde «Terrorızmdi ymyrasyz basýǵa memlekettiń múmkindigi jetedi» degen taqyryppen maqala jarııalandy. Jıyn barysynda Elbasy «Eń aldymen, men qaza bol­ǵan­dardyń otbasylary men týys-týǵandarynyń qaıǵysyna ortaq­ta­syp, shyn júrekten kóńil aı­tamyn. Biz olardyń qaıǵylaryn bólisemiz. Bular ózderiniń qyz­met­tik boryshyna adaldyq ta­nyt­ty, azamattardy lańkesten qor­ǵady. Іshki ister mınıstrligine, oblystaǵy jergilikti atqarý­shy organdarǵa qaza bolǵan­dar­dyń otbasylary men balalary úshin qajetti nárseniń bárin jasap, olarǵa jan-jaqty kómek kórsetýdi tapsyramyn», - dep basa aıtqan.

«Egemen Qazaqstan» gazetiniń jazýynsha, Premer-Mınıstr Kárim Másimovtiń tóraǵalyǵymen keshe Úkimette ótken selektorlyq keńeste eki másele qaraldy. Onyń birinshisi - kóp páterli turǵyn úılerdi jóndeýdiń tetikterin júzege asyrý barysy týraly elimizdiń Qurylys jáne turǵyn úı-kommýnaldyq sharýashylyq isteri agenttiginiń tóraǵasy Serik Nokın baıandady. Kún tártibindegi ekinshi máse­le boıynsha qysqy jylytý maý­symyna daıyndyq jumystary­nyń nátıjeleri qaraldy. Osy máselege qatysty eskeretin bir­qatar problemalar anyqtalyp, olardy joıýdyń joldary belgilendi. «Atalǵan máselelerdi qory­tyn­dylaǵan Úkimet basshysy Kárim Másimov máselege jaýap beretin adamdarǵa mundaı ma­ńyz­dy isterdi kúni buryn qolǵa alyp, aldyn-ala júrgizý qajet­tigin eskertti. Sonymen qatar máselelerdi tyńǵylyqty retteý jóninde tıisti oryndarǵa tap­syr­malar berdi», - dep jazady basylym.

***

«Alash aınasy» gazetiniń turaqty «Dat!» aıdarynda QR Memlekettik syılyǵynyń laýreaty, hımııa ǵylymynyń doktory, professor Edil Erǵojınmen aradaǵy suhbat «Men ǵalym bolyp jaratylǵan adam emespin» degen taqyryppen berilgen. Basylym tilshisiniń barlyq saýaldaryna tuşymdy jaýap bergen ol: «Biz qazirde ilim-bilimge, ǵylymı órleýge, jańashyldyqqa barynsha den qoıyp, qoldaý kórsetip otyrǵan elmiz. Baıyptap qarasaq, sonaý Táýelsizdik alǵan jyldardan beri Úkimet tarapynan ǵylymdy qoldaý, ǵalymdarǵa yqylas-peıil bólý úrdisi basym. Muny moıyndaýymyz kerek jáne buǵan asqan rızashylyǵymyzdy bildirgenimiz jón», - deıdi.

«Vılnıýste sambodan mereıli 25-shi álem chempıonaty aıaqtalyp, qazaqtyń talantty balýany Erbolat Baıbatyrov tuńǵysh ret tórt dúrkin álem chempıony atandy. Bul buryn-sońdy qazaq sportynda bolmaǵan eren jetistik», - dep qýanyshty jańalyqpen bólisedi «Alash aınasy» gazeti. Sonymen qatar 52 kelide beldesken Medet Ońdaǵanov kúmis, 68 kelide boz kilemge shyqqan Asylbek Álkeı qola júldeni ıelengen. Basylymnyń atap ótýinshe, QR Sambo federatsııasynyń prezıdenti Músilim Ońdaǵanov Vılnıýstegi qazaq samboshylarynyń bul jetstikterin el Táýelsizdiginiń 20 jyldyǵyna arnap otyr. Maqala «Qazaqtan tuńǵysh ret tórt dúrkin álem chempıony shyqty» degen taqyryppen berilgen.

***

«Aıqyn» gazetiniń jazýynsha, keshe zaǵıp jáne nashar kóretin azamattarǵa arnalǵan respýblıkalyq kitaphanada núkteli-bederli qaripte jáne halyqaralyq DAISY (qolaıly sandyq aqparattyq júıe) formatynda jazylǵan Muhtar Áýezovtiń «Qıly zaman» povesiniń tusaýkeseri ótken. Basylymdy «Álem ádebıeti klassıkterin Braıl qarpinde oqımyz» atty qazaq pen qyrǵyzaralyq joba Áýezov qorynyń qoldaýymen jaryqqa shyǵarǵan. ıAǵnı joba Qazaqstan men Qyrǵyzstan elderiniń zaǵıp mamandarynyń qatysýymen iske asyrylǵan.

«Elimizdegi ınvestıtsııalyq belsendilikti yntalandyrý jáne eksporttyq potentsıaldy damytý úshin qaıtpek kerek? Qazaqstanǵa syrttan quıylyp jatqan qarjy ekonomıkamyzdy qanshalyqty qaryshtatady? Bılik partııasynyń bas ǵımaratynda ótken dóńgelek ústelde osy tektes suraqtarǵa jaýap berildi», - dep jazady «Aıqyn» gazeti. Bul jaıynda egjeı-tegjeıli basylymnyń seısenbilik sanyndaǵy «Nur Otan»: ınvestıtsııa - bul bizdiń bolashaǵymyz» degen taqyryptaǵy maqaladan bile alasyzdar.

***

«Memleket basshysy Nursultan Nazarbaev Mádenıet mınıstri Qul-Muhammedti qabyldady», dep jazady «Kazahstanskaıa pravda» gazeti. Basylymnyń atap ótýinshe, M. Qul-Muhammed Prezıdentti «Mádenı mura» baǵdarlamasyn, tilderdi damytý men qoldanýdyń 2011-2020 jyldarǵa arnalǵan memlekettik baǵdarlamasyn, Qazaqstan Respýblıkasy Táýelsizdiginiń 20 jyldyǵyn merekeleýdi ótkizý jónindegi memlekettik komıssııanyń jalpyulttyq josparyn, oblystardyń mádenıet kúnderin jáne ózge de mınıstrlik qyzmetiniń basym baǵyttaryn iske asyrý barysynan habardar etti.