Terrorızmdi nasıhattaǵan Aqtóbeniń 4 turǵyny ustaldy
ASTANA. QazAqparat - 24 qarasha kúni Ulttyq qaýipsizdik komıteti ishki ister organdaryn qatystyrýmen terrorızmdi nasıhattaý faktisi boıynsha qozǵalǵan qylmystyq is sheńberinde Aqtóbe qalasynyń 4 turǵynyn qolǵa túsirdi.
Bul týraly QR UQK baspasóz qyzmeti habarlady.
Tintý barysynda qoldan qysqartylǵan ańshy myltyǵy men oǵan arnalǵan oq-dáriler, travmatıkalyq jáne gaz tapanshalary, qoldan jasalǵan pyshaqtar, destrýktıvti dinı mazmundaǵy ádebıet jáne elektrondy aqparat tasymaldaýyshtar alyndy.
Kórsetilgen adamdar turaqty túrde jıyndar uıymdastyrǵan dep kúdikteledi, olardyń barysynda dinge senýshilerdi Qazaqstanda tyıym salynǵan «DAISh» halyqaralyq terrorıstik uıymyn qoldaýǵa úgittegen.
Tergeý is-sharalary jalǵasýda.
