Terrorızmdi nasıhattady degen kúdikpen 4 adam ustaldy

ASTANA. QazAqparat - Túrkistan oblysynda terrorızmdi nasıhattady jáne dinı alaýyzdyqty qozdyrdy degen kúdikpen 4 adam ustaldy. Bul týraly QazAqparat QR UQK baspasóz qyzmetine silteme jasap habarlaıdy.

«2019 jylǵy 14 aqpanda Ulttyq qaýipsizdik komıteti ishki ister organdarynyń qatysýymen júrgizgen jedel-izdestirý sharalarynyń nátıjesinde Túrkistan oblysynyń tórt turǵyny ustaldy. Olar terrorızmdi nasıhattady jáne dinı alaýyzdyqty qozdyrdy dep kúdiktelýde», - delingen baspasóz baıanynda.

Olardyń turǵylyqty jerlerinen destrýktıvti baǵyttaǵy qoljazbalar men elektrondyq nusqadaǵy dinı ádebıetter tárkilendi.