Terrorızmdi qarjylandyrýǵa qarsy is-qımyl ulttyq júıesi kúsheıtiletin boldy
Májilisiniń depýtaty Sergeı Sımonovtyń aıtýynsha, zań jobasy kiristerdi jylystatýǵa jáne terrorızmdi qarjylandyrýǵa qarsy is-qımyldyń (KJ/TQQІ) ulttyq júıesin jaqsartý, sondaı-aq Aqshany jylystatýǵa qarsy kúrestiń qarjylyq sharalaryn ázirleý tobynyń (FATF) halyqaralyq standarttaryn iske asyrý maqsatynda ázirlendi.
Zań jobasy:
- zańdy tulǵalardyń ózderiniń benefıtsıarlyq menshik ıelerin ashý mindetin belgileýge;
- kiristerdi jylystatýǵa qarsy is-qımyl týraly zańnamany shet memlekettiń zańnamasyna sáıkes qurylǵan trasttarǵa nemese basqa da korporatıvtik qurylymdarǵa qoldanýǵa;
- terrorızmdi jáne ekstremızmdi qarjylandyrýmen baılanysty uıymdar men tulǵalardyń tizbesine, sondaı-aq jappaı qyryp-joıý qarýyn taratýdy qarjylandyrýmen baılanysty uıymdar men tulǵalardyń tizbesine engizilgen sýbektilerdiń tikeleı nemese janama baqylaýyndaǵy qarajat pen ózge de aktıvterdi toqtatýǵa;
- qylmystyq jolmen alynǵan qarjatty zańdastyrǵany úshin qylmystyq jaýapkershilikti kúsheıtýge jáne FATF usynymdarynda aıqyndalǵan birqatar qylmystyq quqyq buzýshylyqtar úshin «múlikti tárkileý» túrindegi qylmystyq jazany belgileýge;
- terrorıstik áreket uǵymyn keńeıtý maqsatynda «Terrorızmge qarsy is-qımyl týraly» Zańynyń erejelerin Qazaqstan Respýblıkasy Qylmystyq kodeksiniń erejelerine sáıkes keltirýge baǵyttalǵan.
Budan basqa, depýtattar zań jobasynyń keıbir normalarynyń redaktsııasyn jaqsartý jáne naqtylaý boıynsha túzetýler engizdi.
Sonymen qatar palata depýtattary «Qazaqstan Respýblıkasynyń Ákimshilik quqyq buzýshylyq týraly kodeksine qylmystyq jolmen alynǵan kiristerdi zańdastyrýǵa (jylystatýǵa) jáne terrorızmdi qarjylandyrýǵa qarsy is-qımyl máseleleri boıynsha ózgerister men tolyqtyrýlar engizý týraly» ilespe zań jobasyn da birinshi oqylymda maquldady.
