Terrorızmdi nasıhattap, Sırııaǵa ketpek bolǵan kúdikti Shymkentte ustaldy

ASTANA. KAZINFORM – Ulttyq qaýipsizdik komıteti prokýratýranyń úılestirýimen 1 aqpanda Shymkent qalasynda terrorızmdi nasıhattaý boıynsha kúdikke ilingen Túrkistan oblysynyń turǵynyn ustady.

Tergeý materıaldary boıynsha ol terrorıstik toptardyń jaǵynda urys is-qımyldaryna qatysý úshin Sırııaǵa ketýdi josparlaǵan.

Qylmystyq kodekstiń 256-baby boıynsha fıgýrantqa qatysty qylmystyq is tergelip, tergep-tekserý jumysy júrgizilip jatyr.

QR Qylmystyq-protsestik kodekstiń 201-baby 1-bóligine sáıkes ózge aqparattar jarııa etýge jatpaıdy.