Terrorızmdi nasıhattap, ekstremıstik uıymnyń qyzmetin uıymdastyrǵan 8 adam sottaldy

ASTANA. KAZINFORM - Ulttyq qaýipsizdik komıteti 7 Qazaqstan azamaty jáne 1 sheteldikke qatysty dinı-ekstremıstik uıymynyń qyzmetin uıymdstyrý jáne oǵan qatysý, terrorızmdi nasıhattaý faktileri boıynsha qylmystyq isti tergeýdi aıaqtady.

QR Ulttyq qaýipsizdik komıteti baspasóz qyzmetiniń habarlaýynsha, sottalýshylar janyndaǵylarǵa ıdeologııany taratyp, zaıyrly ómir saltyna jáne konstıtýtsııalyq qurylymǵa jek kórinishtik týdyrǵan.

Turǵylyqty jerleri boıynsha tintýler barysynda aıtarlyqtaı kólemde dinı-ekstremıstik ádebıetter men basqa da zattaı dáleldemeler alyndy.

Sottalýshy adamdardyń úsheýi buǵan deıin osyndaı qylmys jasaǵany úshin sotty bolǵan.

«Aqmola garnızondyq áskerı sotymen olar 1 jyldan 8 jylǵa deıingi merzimderge bas bostandyǵynan aıyrýǵa jazalanǵan. 2024 jylǵy 2 sáýirde úkim zańdy kúshine endi»,- UQK baspasóz qyzmetiniń habarlamasynda.