Terrorızmdi nasıhattaǵan ShQO turǵyny 7 jylǵa bas bostandyǵynan aıyryldy

ASTANA. KAZINFORM – UQK Shyǵys Qazaqstan oblysynyń apellıatsııalyq sotynyń úkimine qatysty habarlama taratty.

«Aǵymdaǵy jyldyń 14 tamyzynda UQK materıaldarynyń negizinde Shyǵys Qazaqstan oblysynyń apellıatsııalyq soty jergilikti turǵyndardyń birin terrorızmdi nasıhattady degen aıyppen úkim shyǵardy.

Onyń messendjerler men áleýmettik jeliler arqyly dindar adamdardy sheteldegi terrorıstik áreketterge qatysýǵa shaqyrǵany anyqtaldy», — delingen derekte.

Sot sheshimimen oǵan 7 jyl bas bostandyǵynan aıyrý jazasy belgilendi.

Úkim zańdy kúshine endi.

Aıta keteıik, jyl basynan beri UQK jedel materıaldary boıynsha terrorıstik sıpattaǵy qylmystar úshin 38 adam túrli jaza merzimderine sottalǵan.