Terrorızmdi nasıhattaǵan aqtóbelik 8 jylǵa bas bostandyǵynan aıyryldy
AQTÓBE. KAZINFORM — Prokýratýra Asylbek Nysanovtyń kinásin moıyndap, protsestik kelisimge kelý týraly ótinishin qanaǵattandyrmady. Sottalýshy terrorızmdi nasıhattaǵany úshin 8 jylǵa bas bostandyǵynan aıyryldy.
Aqtóbe qalalyq sotynda Qylmystyq kodekstiń «Terrorızmdi nasıhattaý nemese terrorızm aktisin jasaýǵa jarııa túrde shaqyrý» baby boıynsha is qaraldy.
Sottalýshy Asylbek Nysanov Saýd Arabııasyna kóship ketip, keıin sol jaqta birneshe adamǵa terrorızmdi nasıhattaıtyn jazbalar jibergen. Ol kinásin tolyq moıyndap, áleýmettik jeli arqyly daıyn mátindi ǵana bóliskenin aıtty.
Sotta protsestik kelisim týraly ótinishhat joldady.
— Asylbek Nysanov QR Qylmystyq kodekstiń 256-baby 2-bóligimen quqyq buzýshylyq jasaǵany úshin kináli dep tanylsyn. Oǵan 8 jyl merzimge bas bostandyǵynan aıyrý jazasy taǵaıyndalsyn. Jaza óteý orny qylmystyq atqarý júıesiniń qaýipsizdigi ortasha mekemesi dep belgilensin. Sot Nysanovtyń kinási is materıaldarymen tolyq dálelin tapty dep esepteıdi, — dedi sýdıa.
Eske salsaq, sottalýshy Saýd Arabııasynan bıyl ǵana elge ekstradıtsııalandy. Al qylmystyq istiń qozǵalǵanyna 7 jylǵa jýyq ýaqyt boldy.
