Terrorızm men ekstremızmniń bolashaǵy joq - Elbasy
ASTANA. QazAqparat - Memleket basshysy Nursultan Nazarbaev memlekettik organdar basshylarymen jáne arnaýly maqsattaǵy bólimshelerdiń komandırlerimen ótken keńes barysynda terrorızm men ekstremızmniń bolashaǵy joqtyǵyna senimdi ekenin bildirdi.
Bul týraly Aqordanyń baspasóz qyzmetinen habarlady.
«Álemde jáne óńirde bolyp jatqan sońǵy oqıǵalar, dúnıeniń ár tarapyndaǵy terrorlyq áreketter, Taıaý Shyǵysta jalǵasyp jatqan soǵys qımyldary terrorızmge qarsy memlekettik is-qımyl sharalaryn jetildirý qajettigin kórsetip otyr. Osynyń bári qazir beıbitshilik, kelisim jáne dostyq jaǵdaıynda ómir súrip jatqan qazaqstandyqtardy da alańdatady. Bizdiń mindetimiz - osy ıgilikti qorǵaý», - dedi Nursultan Nazarbaev.
Qazaqstan Prezıdenti búginde damyǵan elderdiń ózi terrorızmmen kúres máselelerinde qıyndyqtarǵa tap bolyp otyrǵanyn, óıtkeni munyń naqty shekarasy aıqyndalǵan kádýilgi soǵystan ózgeshe ekenin atap ótti.
