Terrorızm men ekstremızmmen kúreskeTúrkPA da óz úlesin qosýy kerek - Májilis Tóraǵasy
ASTANA. QazAqparat - Halyqaralyq terrorızm men ekstremızmge kúreste TúrkPA da óz úlesin qosýy kerek. Búgin Astanada Túrki tildes memleketter Parlamenttik Assambleıasynyń Vl plenarlyq otyrysynda sózsóılegen Parlament Májilisiniń tóraǵasy Qabıbolla Jaqypov osy máseleni kóterdi.
Sóz basynda TúrkPA qyzmetine toqtalǵan Májilis spıkeri, Assambleıanyń tórt turaqty komıssııa aıasynda aýqymdy sharalar atqaryp otyrǵanyn alǵa tartty. Sonymen qatar, spıker Assambleıanyń árbir komıssııasynyń qurylymdaryn belsendirý qajettigin de kóterdi.
«Ásirese, biz komıssııanyń jumys mazmunyn ózektendirip, tolyqtyrýdy jáne birqatar baǵyttar boıynsha birlesken is-sharalardy josparlaýdy usynamyz. Sonyń ishinde, búgingi tańda halyqaralyq terrorızm jáne radıkaldy ekstremızm jahandyq kún tártibiniń negizgi máselesine aınalyp otyr. Taıaý Shyǵystaǵy, Eýropa men Ońtústik Azııadaǵy sońǵy oqıǵalar búgingi tańda eshbir memlekettiń jahandyq qaýipsizdik qaterinen jeke-dara qorǵana almaıtynyn kórsetti», - dedi Q.Jaqypov.
Bul rette Májilis Tóraǵasy Qazaqstan Prezıdenti N. Nazarbaevtyń BUU Bas Assambleıasynda jarııalanǵan halyqaralyq terrorızm men ekstremızmge qarsy kúrestiń jahandyq jelisin qurý týraly ıdeıasyna toqtala kele, ondaı bastama kún ótken saıyn ózekti bola túskenin atap ótti.
«Osyǵan oraı, TúrkPA quqyqtyq máseleler jáne halyqaralyq ister komıssııasy qyzmetiniń aıasynda halyqaralyq terrorızmmen ekstremızmge qarsy kúres jónindegi dóńgelek ústel uıymdastyrýdyusynamyz. Bul máseleni talqylaý úshin parlamentshiler, halyqaralyq sarapshylar, din qaıratkerleriniń basyn qosý kerek. Osylaısha, TúrkPA parlamentshileri retinde biz jahandyq qaýipsizdikti qamtamasyz etýge, terrorızm men ekstremızmge qarsy kúres úshin óz úlesimizdi qosa alar edik», - dedi Q. Jaqypov.
