Terrorızm ıdeologııalyq jarnama túrinde azamattarymyzdyń sanasyn jaýlaýda - B. Smaǵul
ASTANA. 14 qarasha. QazAqparat - Terrorızm ıdeologııalyq jarnama túrinde azamattarymyzdyń sanasyn jaýlaýda.
Bul týraly búgin QR Parlamenti Májilisiniń jalpy otyrysynda «Qazaqstan Respýblıkasynyń keıbir zańnamalyq aktilerine terrorızmge qarsy is-qımyl máseleleri boıynsha ózgerister men tolyqtyrýlar engizý týraly» zań jobasyn talqylaý barysynda depýtat Baqytbek Smaǵul málim etti.
«Sońǵy eki-úsh jylda elimizde oryn alǵan terrorızmmen qatysty birqatar qylmystar buryn bolmaǵan qaıǵyly oqıǵalarmen ulasqany belgili. Ol qylmystyq odaqtar, aqshaǵa tabynýshylar - asyl dinimiz ıslamnyń atyn jamylyp, ıslamǵa jat sanalyp, qatyp qalǵan qatygez qaǵıdasymen qarýlanǵan adastyrýshy aǵymdardyń jetegi. Ókinishtisi bul jetektegilerdiń basym kópshiligi - el jastary. Demek terrorızm qarýdyń ǵana emes, ıdeologııalyq jarnama túrinde azamattarymyzdyń sanasyn jaýlaýda», - dedi B. Smaǵul.
Onyń aıtýynsha, zań jobasy memlekettiń barlyq organdaryn terrorızm qylmystaryna qarsy sharalardy zań arqyly naqtylaýdy maqsat etedi. Múddeli memlekettik organdardyń quzyreti barynsha aıqyndalady.
«Adamzattyń ıgilikti ómir súrýi úshin terrorızmniń aldyn alý jáne boldyrmaý boıynsha Elbasynyń tikeleı tapsyrmasymen jumys jasaıtyn quzyrly organdar, ortalyq, jergilikti atqarýshy bıliktermen birige otyryp, tıisti aýmaqtarda jalpy qoǵam bolyp zań aldyndaǵy jaýapkershilikti júktep, halyqtyń beıbit ómirge degen senimin aqtaýy shart», - dedi ol.
