Terrorızm aktisi týraly jalǵan habarlama taratqan tarazdyq ustaldy
12 tamyzda Taraz qalasy Polıtsııa basqarmasynyń Jedel basqarý ortalyǵy kezekshi bóliminiń «102» nómirine belgisiz adamnan Shostakovıch kóshesinde ornalasqan «Prestıj» kólik jýý ornyna jarylǵysh zat qoıylǵany týraly habarlama kelip tústi. Qońyraý shalýshydan qandaı da bir talaptar qoıylmaǵan. Atalǵan mekenjaıǵa kidirtpeı jetken polıtsııa qyzmetkerleri shuǵyl kólik jýý ornyna jaqyn ornalasqan úıdegi 12 turǵyndy evakýatsııalady. Barlyq aýmaq tolyq tekserýmen qamtyldy. Jarylǵysh zat tabylǵan joq.
Atalǵan derekke qatysty QR QK 273-baby (Terrorızm aktisi týraly kórineý jalǵan habarlaý) boıynsha sotqa deıingi tergeý amaldary bastaldy. Jedel-izdestirý sharalary barysynda polıtsııa qyzmetkerleri jalǵan aqparat berip, telefon soqty degen kúdikpen oblys ortalyǵynyń 25 jastaǵy turǵynyn anyqtap, ustady. Zattaı dálel – uıaly telefon tárkilendi. Qazaqstan Respýblıkasy Qylmystyq-protsestik kodeksiniń 201-babynyń talaptaryna sáıkes sotqa deıingi tergep-tekserýdiń qalǵan derekteri tergeý múddesinde jarııalaýǵa jatpaıdy. Polıtsııa departamenti daıyndalyp jatqan terrorızm aktisi týraly kórineý jalǵan habarlama jibergeni úshin bes myń aılyq eseptik kórsetkishke deıingi mólsherde aıyppul salýǵa, ne sol mólsherde túzeý jumystaryna, ne bes jylǵa deıingi merzimge bas bostandyǵyn shekteýge, ne sol merzimge bas bostandyǵynan aıyrýǵa jaza qarastyrylatynyn eskertedi.
