Terrorızm aktisi týraly jalǵan habarlama taratqan 17 adam sottaldy
«Іshki ister mınıstrligi terrorızm aktisi týraly qasaqana jalǵan aqparat taratqany úshin jaýapkershilik bar ekendigin eskertedi. Bul úshin 5 AEK-ke deıingi aıyppul túrindegi jaza qarastyrylǵan. Al ol búginde 14,5 mln teńgeni quraıdy. Nemese 5 jylǵa beıin bas bostandyǵy shektelýi ne aıyrylýy múmkin. Jyl basynan beri mundaı faktimen 34 adam ustalyp, 14-i ártúrli jazaǵa sottaldy. Sottalýshylardyń birine sot sheshimimen medıtsınalyq sıpattaǵy májbúrleý sharasy qoldanyldy», - dedi Shuǵyla Turlybek vedomstvonyń baspasóz alańynda ótken brıfıngte.
Onyń atap ótýinshe, ustalǵan jasóspirimderdiń biriniń ata-anasyna balasyna durys tálim-tárbıe bermegeni úshin aıyppul salyndy. Bul rette 14 jasqa tolǵan jasóspirimder qylmystyq jaýapkershilikke tartylatyndyǵyn qaperde ustaý qajet.
«Munan bólek, quqyq buzýshylar mundaı habarlandyrýdan keletin shyǵyndardy óteıdi. Qazirgi ýaqytta osyndaı jalǵan shaqyrtýlarǵa arnaýly qyzmetterdiń barýyna 300 myń teńgege deıin qarajat jumsalady. Al kásiporyndar men uıymdardyń jumysyn toqtatýdankeletien shyǵyn mıllıondaǵan teńge bolady», - dedi ІІM ókili.
