Terrorızm aktisi týraly málimetke syıaqy tóleý erejesin endi UQK bekitedi
Málim bolǵandaı, endi vedomstvoǵa myna fýnktsııalar beriledi:
- ulttyq qaýipsizdik organdardyń daǵdarysty jaǵdaılar, áleýmettik sıpattaǵy tótenshe ahýal, tótenshe, áskerı jaǵdaılar týyndaǵan kezde jáne soǵys ýaqytynda is-qımyl jasaýǵa daıyndyǵyn qamtamasyz etý;
- eńbek qarym-qatynastaryn retteý salasynda eńbek jónindegi ýákiletti memlekettik organnyń kelisimi boıynsha ulttyq qaýipsizdik organdarǵa tehnıkalyq qyzmet kórsetýdi jáne olardyń jumys isteýin qamtamasyz etetin jumyskerler sanynyń normatıvterin ázirleý jáne bekitý;
- Ulttyq qaýipsizdik komıteti áskerı polıtsııasy organdarynyń quqyq buzýshylyqty profılaktıkalaý sharalaryn júzege asyrý qaǵıdalaryn ázirleý jáne bekitý;
- jergilikti atqarýshy organdarmen ázirlenetin oblys aýmaǵynda, astana jáne respýblıkalyq mańyzy bar qalalarda ornalasqan terrorıstik turǵydan osal obektilerdiń tizbesin kelisý;
- daıyndalyp jatqan terrorızm aktisi týraly habarlama úshin syıaqy tóleý erejelerin ázirleý jáne bekitý;
- Qazaqstan Respýblıkasy arnaýly memlekettik organ qyzmetkeriniń otbasylyq-múliktik jaǵdaıyn tekserý aktisiniń úlgi nysanyn ázirleý jáne bekitý;
- ulttyq qaýipsizdik organdaryn kólik quraldarynyń jáne arnaıy maqsattaǵy kólik quraldarynyń kolonnalaryna ilesip júrýdi uıymdastyrý jáne qamtamasyz etý, avtomobıl joldary men kóshelerde osy kolonnalar ótetin ýaqytta jol júrisin retteý qaǵıdalaryn ázirleý jáne bekitý;
- ulttyq qaýipsizdik organdarynda jaýyngerlik kezekshilikti atqarýdy uıymdastyrý qaǵıdalaryn ázirleý jáne bekitý.
«Jarlyq jobasy erejege Qazaqstan Respýblıkasynyń zańnamasyna sáıkes redaktsııalyq ózgeristerdi engizýdi qarastyrady. Ony iske asyrý úshin respýblıkalyq bıýdjetten qosymsha qarajat talap etilmeıdi jáne ol teris áleýmettik jáne ekonomıkalyq saldarǵa ákep soqtyrmaıdy», - dep túsindirme berilgen Prezıden Jarlyǵyna.
Qujat 20 sáýirge deıin kópshilik talqylaýda bolady. Keıin qol qoıý úshin Memleket basshysyna joldanady.
