Terrorıstik top áıelder men qarttardy soqqyǵa jyǵyp, zorlyq áreketterge bardy – Dáýren Abaev
NUR-SULTAN. QazAqparat – QR Prezıdenti ákimshiligi basshysynyń birinshi orynbasary Dáýren Abaev Almatydaǵy tártipsizdikter nege der kezinde aýyzdyqtalmaǵanyn túsindirdi, dep habarlaıdy QazAqparat tilshisi.
«Kúsh jetkiliksiz boldy. Shıelenistiń bir ýaqytta birneshe aımaqta saqtalýy qosymsha kúshterdi Almatyǵa tastaýǵa múmkindik bermedi.
Basqynshylyq árekettermen birge jappaı qıratý, tonaý, beıbit turǵyndardy, kúzetshilerdi, áıelder men qarttardy uryp-soǵý, zorlaý qımyldaryna ulasty», - dedi Dáýren Abaev «Habar 24» telearnasynyń efırinde.
Sondaı-aq, ol Almatydaǵy qaqtyǵystar kezinde terrorıster jaǵynan arnaıy mergender áreket etkenin málim etti. Olar beınebaqylaý kameralaryn joıyp, quqyq qorǵaý qyzmetkerlerin nysanaǵa alǵan.
