Terrorıstik sıpattaǵy habarlamalar taratylǵan telefon ıeleri anyqtaldy – polıtsııa
«Birqatar BAQ-tyń Telegram-akkaýntyna jáne memlekettik organdardyń mekenjaılaryna terrorıstik sıpattaǵy qoqan-loqy kórsetilgen habarlamalar kelip túsken.
Jedel-izdestirý sharalaryn júrgizgen polıtsııa qyzmetkerleri birneshe telefondy, sondaı-aq olardyń ıeleri men paıdalanýshylaryn anyqtady», - delingen Rolisia.kz dereginde.
Tekserý kezinde atalǵan tulǵalar arasynda Qazaqstannyń qarapaıym azamattary, onyń ishinde kámeletke tolmaǵandar bolǵany anyqtaldy. Biraq olardyń eshqaısysynyń poshta jóneltilimderine qatysy bolmaı shyqqan.
«Olardyń barlyǵy Telegram messendjeriniń belgisiz qoldanýshylary tarapynan «svattıngtiń» (quqyq qorǵaý organdaryn hakerlengen adresattarǵa shaqyrý úshin aýyr quqyq buzýshylyqtar týraly jalǵan habarlamalar) qurbany boldy dep boljanyp otyr.
Qazirgi ýaqytta quqyq qorǵaý organdary quqyq buzýshylardy anyqtap, kórineý jalǵan habarlama taratqany úshin zańnamaǵa sáıkes jaýapkershilikke tartý maqsatynda barlyq sharalardy qolǵa alyp jatyr. Jaǵdaı quqyq qorǵaý organdarynyń tolyq baqylaýynda. Alańdaýǵa negiz joq. Áleýmettik jeliler men basqa da BAQ qoldanýshylaryn tek resmı habarlarǵa senýge shaqyramyz», - delingen polıtsııa málimetinde.
