Terrorıstik qaýiptiliktiń «sary» deńgeıi kezindegi ózin ustaý boıynsha usynymdar

ASTANA. QazAqparat - 2016 jylǵy 6 maýsymda elorda ákimi Á.R. Jaqsybekov Astana qalasynyń Terrorızmge qarsy komıssııasynyń kezekten tys otyrysyn ótkizdi. Otyrys barysynda qaýipsizdik sharalaryn, ásirese terrorıstik turǵydan osal nysandarda kúsheıtý máseleleri qaraldy, dep habarlaıdy elordanyń resmı saıty.

5-6 maýsymda Aqtóbe oblysynyń aýmaǵynda oryn alǵan oqıǵalarǵa baılanysty terrorıstik sıpattaǵy qaýip-qaterdiń aldyn alý maqsatynda Qazaqstan Respýblıkasynyń Ulttyq qaýipsizdik komıteti el aýmaǵynda 40 táýlikke terrorıstik qaýiptiliktiń birqalypty «sary» deńgeıi belgilendi. 

Terrorıstik qaýiptiliktiń «sary» deńgeıi jarııalanǵan jaǵdaıda ustalatyn tártip boıynsha usynystar.

Qurmetti elorda turǵyndary men qonaqtary!

Qaraýsyz qalǵan sómkelerge, qoraptarǵa, túıinshekterge, qaptarǵa, chemodandarǵa, ásirese symdar men tehnıkalyq quraldar shyǵyp tursa, sondaı-aq, qoǵamdyq jerlerde jáne kólikte kúmándi, kúdikti adamdarǵa nazar aýdaryńyzdar.

Saqtaý nemese tasymaldaý úshin kúmándi zattardy almańyzdar.

Aınaladaǵylarǵa qaraýsyz qalǵan zattarǵa qol tıgizýdiń qaýipti ekendigin túsindirińizder. Quqyq qorǵaý organdarynyń qujat tekserý jumystaryna túsinistikpen qarap, olarǵa kómektesińizder.

Aǵymdaǵy jaǵdaıdy baqylap, jańalyqtardy tyńdańyzdar.

Dúrligýge jol bermeńizder.

Kúmándi zattardy tapqan jaǵdaıda, dereý 112, 102, 71-60-10, 71-61-10 nomerlerine habarlasyńyzdar.