Terrorıstik qaýip Germanııadaǵy rok-festıvaldi taratýǵa sebepshi boldy

ASTANA. QazAqparat - Nemisterdiń Nıýrbýrg qalasynda bolǵan Rock and Ring rok-festıvaliniń qatysýshylary terrorıstik qaýipke balanysty kóshirildi. Uıymdastyrýshylar jıynǵa kelgen azamattardy shara ótip jatqan aımaqty eshqandaı aıǵaı-shýsyz bosatýdy talap etti, dep habarlaıdy Bı-bı-sı.

«Terrorıstik qaýipke baılanysty polıtsıtsıa bizden festıvaldi toqtatýdy talap etti»,-delingen Rock and Ring festıvaliniń Facebook jelisindegi resmı paraqshasynda.

Óńirlik polıtsııa basqarmasynyń málimdemesinde kontsertti toqtatýǵa naqty máseleniń sebep bolǵandyǵy aıtylady. Ózge naqty málimetter keltirilmegen. Jumadan jeksenbi aralyǵynda ótýi tıis festıvaldiń ótý-ótpeýin polıtsııa senbi kúni habarlaıdy.

Festıvalǵa 85 myń adam qatysady dep kútilgen bolatyn. Bıylǵy jyly Rock and Ring óziniń 80 jyldyǵyn atap ótýde. Sońǵy ýaqytta mýzykalyq shara birneshe ret terrorıstik shabýyldardyń nysanyna aınalǵan edi.

2007 jyldyń 22 mamyrynda brıtanııalyq Manchesterde bolǵan Arıany Grandeniń kontsertinde 22 adam qurban boldy. 2015 jyldyń 13 qarashasy kúni Parıjde qylmyskerlerdiń basty nysany - Eagles of Death Metal tobynyń kontserti boldy. Ol kezde 89 kórermen kóz jumǵan edi.