Terrorıstik akti týraly jalǵan aqparat bergen adam izdestirilýde-Aqmola oblysy

KÓKShETAÝ. QazAqparat – Aqmola oblysynda terrorıstik akti týraly jalǵan aqparat bergen adam izdestirilýde, dep habarlaıdy QazAqparat tilshisi oblystyq PD baspasóz qyzmetine silteme jasap.

«Búgin naýryzdyń 21-de saǵat 18:15 polıtsııaǵa Zerendi aýdandyq aýrýhanasynyń jedel járdem stansysynyń feldsheri habarlasyp, «103» arnaıy jelisi arqyly medıtsınalyq mekemege jarylatyn zat qoıylǵany týraly habar túskenin aıtty.

Dereý oqıǵa ornyna PD bastyǵy, polıtsııa general-maıory Armanbek Baımýrzın, jergilikti atqarýshy organdar, aýdan prokýratýrasy, jedel tergeý toby jáne ózge qyzmetter jetti. Tártip saqshylary medıtsınalyq mekemeniń qyzmetkerleri men naýqastardy, ıaǵnı, 66 adamdy evakýatsııalady», - deıdi vedomstvodan.

PD baspasóz qyzmetindegilerdiń málimetinshe, saperler aýrýhanadan jarylǵysh zatty tappady. Evakýatsııalanǵan adamdar jumys orny men palatalaryna qaıtty.

«Qazirgi kezde QR QK 273 baby boıynsha sotqa deıingi is qozǵaldy. Jalǵan aqparat berip, jurtty dúrliktirgen adamdy anyqtap, ustaý boıynsha jedel izdestirý sharasy júrgizilýde», - dep tolyqtyrdy vedomstvodan.