Terrorıster tynysh ómir súrgen qazaqstandyqtardyń birligin buza almaıdy - Sh.Nurymov

ASTANA. QazAqparat - Terrorıster tynysh ómir súrip jatqan qazaqstandyqtardy qorqytyp, úreılendirmek boldy. Biraq, kerisinshe, olardyń bul qatigez áreketi bizdi, qazaqstandyqtardy odan saıyn biriktirdi, deıdi QR Parlamenti Májilisiniń depýtaty, Qazaqstan uıǵyrlary etnomádenı ortalyǵynyń tóraǵasy Shaımardan Nurymov osylaı málimdedi.

«Aqtóbede oıran salǵan terrorıster tynysh ómir súrip jatqan qazaqstandyqtardy qorqytpaqshy boldy, úreılendirmek boldy. Kerisinshe, olardyń bul qatigez áreketi bizdi, qazaqstandyqtardy uıytty, biriktirdi, dostyǵymyzdy, týysqandyǵymyzdy odan da kúsheıtti», - deıdi depýtat.

Depýtat lańkesterdiń qatigezdiginen qaza bolǵan jandardyń týystaryna qaıǵyryp kóńil aıtty.

«9 maýsym - Jalpyulttyq aza tutý kúni bolady. Búkil Qazaqstan aza tutady. Qazaqstannyń halqy terrorısterdiń qolynan qaza tapqan árbir qazaqstandyqtyń qaıǵysyna  ortaq», - deıdi Sh.Nurymov.