Terrorıst beıbit halyqty óltirýge shyqsa, ózi de sol jazaǵa laıyqty degen sóz - V.Bojko

ASTANA. QazAqparat - Parlament májilisiniń depýtaty, Vladımır Bojko Memleket basshysynyń málimdemesine, erteń ótetin jalpyulttyq aza tutý kúni jaıly, jalpy, Aqtóbede oryn alǵan qaıǵyly oqıǵalarǵa qatysty oıyn aıtty.

«Aqtóbedegi jaǵdaı búkil qoǵam úshin bir belgi bolyp otyr. ıAǵnı, dinı ekstremızmge qarsy áreket jasaý kerek. Qazaqstan - zaıyrly memleket. Bul Ata Zańymyzda jazylǵan. Jastar arasynda túsindirý jumystaryn júrgizip, dinı ekstremızmniń aldyn alý kerek. Ózderińiz baıqasańyzdar, lańkestik jasaǵan adamdardyń kóbi - jastar. ıAǵnı, jastarmen jumys júrgizýde bir jerde qatelik jibergenbiz. Sondyqtan, elimizge ózge ıdeologııanyń enýine tosqaýyl qoıýymyz kerek», - deıdi V.Bojko.

Depýtattyń aıtýynsha, 9 maýsymdy Jalpyulttyq aza tutý kúni dep jarııalaı otyryp, Elbasy qaza tapqan adamdardyń qaıǵylaryna ortaqtasty. Al «Parlament Májilisiniń búgingi jalpy otyrysyn depýtattar nege bir mınýt únsizdikpen emes, kerisinshe, áriptesterin týǵan kúnimen quttyqtaýdan bastady?» degen suraqqa V.Bojko: «meniń aıtarym, Parlament músheleri keshe óz oılaryn aıtyp, qaza bolǵandardyń týǵan-týysqandaryna kóńil bildirdi. Erteń otyrystar bolsa, Jalpyulttyq aza tuty kúni aıasynda bir mınýt únsizdik jarııalaımyz. Parlament  jalpy memlekettik saıasat aıasynan shyǵa almaıdy, sondyqtan, sizderden surarym, bir mınýt únsizdik jarııalamady dep, Parlamentti sóge kórmeńizder. Biz kez kelgen máselede halyqtyń janynan tabylamyz», dedi ol.

Ulttyq qaýipsizdik komıtetiniń general-leıtenant ataǵy bar Vladımır Bojko qarsylyq tanytqan lańkesterdiń kózi joıylý kerek deıdi.

«Qarsy turǵan lańkesterdiń kózin qurtý - álemde bar praktıka. Lańkester quqyq qorǵaý organdarynyń aıtqanyna kónbese, olardy óltiredi. Olar óz sana-sezimimen beıbit halyqty óltirýge shyqsa, olarda sol jazaǵa laıyqty. Oılap qarańyzdarshy, dúkenge jaı kirgen adamdy pyshaqtap ketken, satýshyny óltirgen. Olardyń artynda otbasy eńirep qaldy emes pe...»,-deıdi ol.