Terrakt jaıly jalǵan habar bergen óskemendik jaýapqa tartyldy

ÓSKEMEN. KAZINFORM – Óskemen qalasynyń turǵyny polıtsııaǵa terrakt jaıly jalǵan habar bergeni úshin jaýapqa tartyldy. 

ShQO Polıtsııa departamenti baspasóz qyzmetiniń málimetine súıensek, belgisiz er adam tártip saqshylaryna qońyraý shalǵan. Óz sózinde ol Óskemen qalasynda terrakt daıyndalyp jatqany týraly jetkizgen.

«Polıtseıler dereý sol jerge barǵan. Alaıda tekserýden keıin bul aqparattyń jalǵan ekeni anyqtaldy. Orynsyz ázildegen mas kúıdegi 51 jastaǵy qala turǵyny bolyp shyqty», - delingen aqparatta.

Mamandandyrylǵan qyzmetterdi kórineý jalǵan shaqyrǵany úshin er adamǵa 30 AEK mólsherinde (110 760 teńge) aıyppul salyndy.

Osy rette, vedomstvo ókilderi qoǵamdyq rezonans pen yqtımal saldarlardy eskere otyryp, mundaı buzýshylyqtar úshin qylmystyq jaýapkershilik qarastyrylǵanyn, ol boıynsha 5 jylǵa deıin bas bostandyǵynan aıyrý jazasy kózdelgenin eskertedi.