«Terner 2014» syılyǵy brıtanııalyqqa tabys etildi
ASTANA. QazAqparat - Tegi Irlandııadan shyqqan brıtanııalyq vıdeosýretshi Dýnkan Kempbell 40 myń dollar syıaqysy bar «Terner 2014» syılyǵyn jeńip aldy, dep habarlady VVS.
Ol «It for Others» vıdeofılm serııasy úshin atalǵan jeńiske laıyq dep tanyldy. Onda Kempbel Afrıkanyń dástúrli óneri men Soltústik Irlandııadaǵy qaqtyǵysty úndestire bilgen. Ónertanýshylar arasynda HІH ǵasyrdaǵy Brıtan sýretshisi Ternerdiń qurmetine beriletin atalǵan syılyqtyń tóńireginde daý kóp. Óıtkeni, onda dástúrli emes óner nasıhattalady, deıdi óner zertteýshileri. Buǵan deıingi laýreattardyń biri Demıen Herst ólim týraly eńbekterin usynyp, jeńimpaz atanǵan.
