Termınder jınaǵy daıyndalyp jatyr

ASTANA. QazAqparat - Búgin Memleket tarıhy ınstıtýty men Saıası qýǵyn-súrgin qurbandaryn tolyq aqtaý jónindegi memlekettik komıssııanyń Jobalaý keńsesi jumys basymdyqtaryn talqylady, dep habarlaıdy QazAqparat.

Jobalyq keńseniń basshysy S.Qasymov saıası qýǵyn-súrgin qurbandaryn aqtaý jumystary qarqyndy júrip jatqanyn tilge tıek etti. Sonymen birge saıası-qýǵyn súrginge qatysty termınder jınaǵy da daıyndalyp jatqanyn jetkizdi.

«Saıası qýǵyn-súrgin qurbandaryn aqtaý sharalary ulttyq jadymyzdyń qaıta jańǵyrýymen birge azamattyq sana-sezimdi bekite túsedi. Bizdiń ulttyq biregeıligimizdiń de ózegi osy kezeńmen tuspa tus keledi», - dedi ınstıtýt dırektory N.Pusyrmanov.

Budan ári zerdeleý isi boıynsha yntymaqtastyq tereńdemek.

Eske sala ketsek, osy jyldyń 5 shildesinde Astananyń 25 jyldyq mereıtoıy qarsańynda Memleket tarıhy ınstıtýty men Astana qalasynyń Memlekettik arhıvi ózara yntymaqtastyq týraly memorandýmǵa qol qoıǵan bolatyn. Memorandým aıasynda «Tarıh syry - arhıv derekterinde» jobasy iske qosyldy.