Termınal joq aqyly jolmen tegin júrgen júrgizýshilerdiń qaryzy qalaı óteledi

ASTANA. KAZINFORM – Elimizdiń keıbir aqyly avtojoldary boıynda arnaıy shlagbaým joq bolyp shyqty.

Ortalyq kommýnıkatsııalar qyzmeti alańynda ótken baspasóz máslıhatynda «Arnaıy termınal qoıylmaǵan aqyly avtojolmen júrip, biraq bir ret te tólemegen júrgizýshiler bolýy múmkin. Olar kólikti satyp jibergen soń qaryz bolyp eseptele me álde qaryzy joıyla ma?» degen saýal qoıyldy. 

Suraqqa «QazAvtoJol» ulttyq kompanııasynyń basqarma tóraǵasy Darhan Imanashev jaýap berdi.

- Másele mańyzdy, ásirese ońtústik jaqta shlagbaým eshteńe joq, qozǵalys ashyq. Óz tarapymyzdan bank jáne sot oryndaýshylarymen jumys isteımiz. Biraq avtokólik satylǵanda aqyly joldyń tólenbegen aqysyn jańa ıesine aýystyrýǵa bolmaıdy, tolyq qaryzyn jappaǵansha. Salyq pen aqyly jol boıynsha qaryzy bolǵan jaǵdaıda kólik ıesin ózgertýge bolmaıdy, - dep túsindirdi ol.

Aıta ketsek, QazAvtojol AQ on merdiger kompanııany sot sheshimimen josyqsyz dep tanyp, qara tizimge engizdi. 

Sondaı-aq bıyl toǵyz aıda aqyly joldardan bıýdjetke 62 mlrd teńge túskeni týraly jazǵan bolatynbyz.