Teriskeıge kóship barǵan túrkistandyq úsh sottyq jerden 3 mln teńge tabys taýyp otyr
Búginde ońtústik soltústikke qonys aýdarýshy jandarǵa qolaıly jaǵdaı jasalyp otyr.
Máselen, Saryǵash aýdanynan Zańǵar aýylynan kóship kelgen Sherzat Raıymbekovtiń aıtýynsha soltústikte ómir súrýge, kásippen aınalysýǵa barlyq múmkindik bar.
«Tek erinbeı jumys isteseń bolǵany. Mol tabysqa kenelýge bolady»- deıdi ol.
Sherzat baý-baqshanyń qyr-syryn jaqsy meńgergendikten jylyjaımen aınalysýdy jón kórgen.
Kásipker otbasy qııar men qyzanaqtan bólek qaýyn, shalǵam egipti. Búginde úsh sottyq jerden úsh mıllıon tabys tapqan.
Resmı málimetke súıensek, memlekettik baǵdarlamalar arqaly ońtústikten soltústikke qonys aýdarýshy túrkistandyqtardyń basym bóligi Pavlodar oblysyn tańdaǵan.
Bul óńirge 131 otbasy kóship kelipti. Al, Soltústik Qazaqstan oblysyna 109 otbasy, Qostanaı oblysyna 23 otbasy qonys aýdarǵan.
Jalpy Pavlodar oblysynda aýyl sharýashylyǵy mamandaryna, bilim salasyna, dárigerlerge, tehnıkalyq mamandyqtarǵa jáne qyzmet kórsetý salasynyń mamandaryna suranys joǵary.
«Qonys aýdarýshylarǵa 35 aılyq eseptik kórsetkishten 70 aılyq esep kórsetkishke deıin sýbsıdııa tólenedi. Otbasy músheleriniń árqaısysyna 214 myń teńge beriledi. Sondaı-aq qonys aýdarýshyǵa on eki aı boıy aı saıyn turǵyn úıdi jaldaý jáne kommýnaldyq qyzmetterge aqy tóleý boıynsha materıaldyq kómek usynylady», – deıdi Pavlodar oblystyq jumyspen qamtýdy úılestirý jáne áleýmettik baǵdarlamalar basqarmasy basshysynyń orynbasary Gaýhar Baıtilesova.
Búginde memlekettik baǵdarlamalar aıasynda teriskeıge qonys aýdarýshylar qatary jyl saıyn artyp keledi.
Bıylǵy 7 aıda «Qýatty óńirler – el damýynyń draıveri» ulttyq jobasy aıasynda soltústik óńirlerge taǵy 270 otbasy qonys aýdarǵan.
ıAǵnı, 951 turǵyn Teriskeıge kóship, jańa ómir bastap otyr. Al, jalpy bıyl respýblıka boıynsha joba aıasynda Túrkistan oblysyna 6424 kvota bólingen.
