Teris ózeninde demalyp jatqan er adamǵa jaı tústi
TARAZ. QazAqparat - Jambyl oblysynda nóser jaýyn kezinde qaıǵyly oqıǵa oryn aldy, dep habarlaıdy QazAqparat tilshisi.
Oblystyq TJD baspasóz qyzmetiniń málimetinshe, Jýaly aýdanynda Teris ózeninde demalyp jatqan er adamǵa jaı túsip, ol oqıǵa ornynda kóz jumdy.
37 jastaǵy aýdan turǵynynyń ólimine qatysty tekserý júrgizilip jatyr.
Aıta keteıik, byltyr mamyr aıynda Qordaı aýdanynda jańbyr jaýyp turǵan kezde naızaǵaı túsip, 42 jastaǵy malshy kóz jumǵan edi. Onyń denesin Kenen aýylynyń mańynan turǵyndar taýyp alǵan bolatyn.
Jambyl oblysynyń TJD 12 jáne 14 maýsym kúnderi Jambyl oblysynda jańbyr jaýyp, naızaǵaı oınaıtynyn eskertedi. Osyǵan baılanysty sý tasqyny qaýpi bar.
Avtor: Galına Skrıpnık
