Teri obyryn alǵashqy kezeńde anyqtaıtyn qural tabyldy
ASTANA. QazAqparat - Fınlıandııa tehnıkalyq ǵylymı-zertteý ınstıtýtynda teri obyryn alǵashqy kezeńde anyqtaıtyn qural jasaldy. Salmaǵy bir kelige jetpeıtin ınnovatsııalyq gıperspektrlik kamera sanaýly sekýndtyń ishinde aýrýdy taýyp bere alady, dep habarlaıdy Rosbalt.
Jalpy, teri obyry adam denesiniń úlken bóligine jaıylǵanymen, isiktiń ózi teriniń betinde kishkentaı bolyp kórinedi. Fın ǵalymdary jasap shyǵarǵan ınnovatsııayq qural dertti erte kezden anyqtap, dıagnozdy naqty qoıyp beredi. Sondaı-aq ol qural 12 sharshy metr terini skanerleı alady.
«Teri obyryn emdegen kezde nazar deneniń kishkentaı bóligine aýdarylady, al isiktiń ózi ulǵaıyp damı beredi. Jańa kameranyń arqasynda ýaqyt joǵaltpaı, teriniń zaqymdanǵan barlyq jerin emdeýge bolady», - deıdi Helsınkı ýnıversıtetiniń ortalyq gospıtaliniń dárigeri Noora Neıttanmıakı-Perttý.
Onyń aıtýynsha, qazir atalmysh kamerany synaqtan ótkizý jalǵasyp jatyr. Atap aıtqanda, jańa qural Helsınkı ýnıversıtetiniń ortalyq gospıtalinde klınıkalyq synaqtan ótkizilýde. Aldaǵy ýaqytta ıÝvıaskıýlıa ýnıversıteti men Pıaııat-Hıame qalasynyń aýrýhanasynda synamaden ótedi. Aıta keterligi, quraldyń baǵasy óndiristiń kólemine baılanysty bolmaq. «Mysaly, atalmysh qural myń danamen shyǵatyn bolsa, onyń baǵasy shamamen 10 myń eýro bolýy múmkin», - dedi Neıttanmıakı-Perttý.
