Teri qaterli isigi: Medıtsınada melanomany emdeýde jańalyq ashyldy
ALMATY. QazAqparat - Shveıtsarııalyq ǵalymdar teri qaterli isigin emdeýde úlken qadam jasady. Olar «Kobımetınıb» jáne «Zelboraf» preparatynyń qosarlanǵan terapııasy teri qaterli isigi - melanomaǵa shaldyqqan naýqastardyń ómirin uzartyp, uzaq ýaqytqa betin qaıtarady dep sanaıdy.
«Osy ýaqytqa deıin paıdalanylyp kelgen emdeý terapııasynda ilgeri jyljý baıqaldy. Shveıtsarııalyq mamandar «Kobımetınıb» jáne «Zelboraf» preparatyn qosarly paıdalaný isiktiń ósýin toqtatatyndyǵyn anyqtady. Tájirıbege 495 naýqas qatysty. Zertteýler atalǵan kýrstyń melanomany emdeýde úlken jetistikter ákeletinin dáleldep otyr», - dedi Rosh kompanııasynyń medıtsınalyq dırektory Sandra Hornıng.
Bul dert álem medıtsınasynda úlken alańdaýshylyq týǵyzyp otyr. Jyldan-jylǵa teri aýrýyna shaldyqqan jandardyń sany artýda.
Álemde jylyna 232 000 adam atalǵan dertke shaldyqsa, 70 000-ǵa jýyq adam qaza bolýda.
Rosh kompanııasy atalǵan zertteý jumystarynyń qorytyndysyn AQSh-tyń azyq-túlik jáne dári-dármek basqarmasy men Eýropa dári-dármek agenttigine usynýdy josparlap otyr.
