Tergeýshiler týraly serıal kórermenge jol tartty
ASTANA. QazAqparat - Qazaqstandyq ýchaske ınspektorlarynyń jumysy jaıyndaǵy serıal taıaý ýaqytta kórsetiledi, dep habarlaıdy QazAqparat.
Bul týraly QR ІІM Memlekettik til jáne aqparat departamentiniń dırektory Almas Sadýbaev Feısbýktegi paraqshasynda jazdy
Onyń atap ótýinshe, 5 jeltoqsan kúni «Habar» telearnasynda shynaıy oqıǵalar negizinde túsirilgen Qazaqstan tarıhyndaǵy eń birinshi detektıvti serıal «Tergeýshiler» kórsetile bastaǵan.
«31-kanalda» «31 ýchaske» dep atalatyn ýchaskelik polıtsııa ınspektorlarynyń jumysy týraly serıal efırge shyǵarylýǵa daıyndalyp jatyr. ІІM-niń teleserıaldar túsirý bastamasy Aqparat jáne kommýnıkatsııalar mınıstrligi tarapynan qoldaýǵa ıe boldy. Dáýren Áskerbekulyna rızashylyǵymyzdy bildiremiz», - dedi Almas Sadýbaev.
