Tergeýshiler «Sevol» kemesiniń apatqa ushyraý sebebin atady
ASTANA. QazAqparat - Tergeýshiler Ońtústik Koreıanyń batys jaǵalaýynda «Sevol» kemesiniń apatqa ushyraýyna jol baǵdarynyń dereý ózgertilýi sebep boldy deıdi. Bul týraly RIA Novostı Renhap agenttigine silteme jasap habarlady.
Tergeshiler toby BAQ ókilderimen tergeýaralyq nátıjelerimen bólisti. Olardyń anyqtaýynsha, 6825 tonnaly keme Djındo aralynyń mańyndaǵy tar arnadan ótip bara jatyp, 15 gradýsqa shuǵyl buryp jibergen, saldarynan keme qısaıyp, aýdaryldy. Esterińizge sala keteıik, bıylǵy jyldyń 16 sáýirinde bortynda 476 jolaýshysy bar parom Ońtústik Koreıanyń jaǵalaýynda aınaldyrǵan eki saǵattyń ishinde aýdarylyp, sýǵa batyp ketken. Olardyń ishinde negizinen oqýshylar men muǵalimder bolǵan. 172 adam qutqarylsa, 281 adam ajal qushty. Taǵy 23 jolaýshy iz-tússiz joǵalǵandar qatarynda. Kemeniń apatqa ushyraýyna qatysty kemege ıelik etken "Chonhechjın" kompanııasynyń 20 shaqty adamy tutqynǵa alyndy. Olar qaýipsizdik sharalaryn saqtamaǵany úshin jáne sybaılas jemqorlyqqa qatysy bar dep aıyptalýda. Іs materıaldary boıynsha, kemeniń kapıtany apat kezinde jolaýshylardan qalmaı kemeni birinshi tastap qashyp ketken. Onyń kinási dáleldense, ol ómir boıy bas bostandyǵynan aıyrylýy múmkin.
