Tergeýshiler «Proton-M» zymyran-tasyǵyshy datchıgin qurastyrýshyny taba almaı jatyr
ASTANA. 19 shilde. QazAqparat - Roskosmos 2 shilde kúni «Baıqońyr» ǵarysh aılaǵynda apatqa ushyraǵan «Proton-M» aýyr zymyran-tasyǵyshy toraptaryn,
agregattaryn jáne júıelerin jınaýǵa jáne qurastyrýǵa qatysy bar tulǵalardy anyqtaýdy jalǵastyrýda. Buryshtyq jyldamdyǵy bar datchıkterdi bloktarmen qurastyrý jumystaryn máskeýlik Hrýnıchev atyndaǵy GKNPTs-nyń quramyna enetin Raketalyq-ǵaryshtyq zaýyttyń qyzmetkerleri atqarǵan. «Izvestııa» basylymynyń málimetinshe, bular qurastyrýshy Prohorov, oryndaýshy Grıshın jáne baqylaýshy-sheber Gýdkova bolyp shyqty.
Joǵaryda atalǵan tulǵalardan jaýap alýdy kózdegen tergeýshiler Prohorovty taba almaı otyr. Keıbir málimetterge súıensek, qurastyrýshy Máskeýden ketip qalǵan kórinedi jáne onyń qazirgi mekenjaıy belgisiz.
