Tergeýshiler endi narko jáne psıhdıspanserden anyqtamany onlaın rejimde ala alady

ALMATY. QazAqparat - Tergeýshiler endi narko jáne psıhdıspanserden anyqtamany onlaın rejimde ala alady. Jańa qyzmet týraly QR Bas prokýratýrasynyń quqyqtyq statıstıka jáne arnaıy esep komıtetiniń basshysy Baǵdat Mýsın Feısbýktegi paraqshasynda jarııalady.

«Quqyqtyq statıstıka jáne arnaıy esep komıteti quqyq qorǵaý organdary men QR Densaýlyq saqtaý mınıstrligi narko, psıhdıspanerleriniń derek qoryn biriktirdi. Bul QR Densaýlyq saqtaý mınıstrliginiń dıspanserlik esep bazasyn ortalyqtandyrýy arqasynda múmkin boldy. Endi eldegi tergeýshiler bul aqparatty jumys ornynan shyqpaı alatyn bolady», - dedi Baǵdat Mýsın.

Onyń aıtýynsha, burynǵy júıe boıynsha tergeýshiler narko, psıh dıspanserden qujatty arnaıy suratyp, ony iske tirkep otyrǵan.

«2016 jyldyń ózinde naqty bir tulǵalarǵa qatysty 120 myń is tirkeldi. ıAǵnı, tergeýshilerge narko-psıho dıspanserlerge 120 myń ret bardy. Endi ıntegratsııanyń arqasynda tergeýshiler eń az degende 120 myń ret shyǵyndanbaıtyn bolady. Bir ret barǵanda is bite qoısa jaqsy, keıde dıspanser qyzmetkerleriniń de ýaqyty bola bermeıdi ǵoı. Naqtylanbaǵan derekter boıynsha, shamamen bir ret barǵanda 3 262 teńge shyǵyn bolady. Aýyldyq tergeýshilerdi aıtpaǵannyń ózinde, 3 262 teńgeni 120 000 kóbeıtsek, memleket qarjysynan jylyna 400 000 000 únemdeýge bolady», - dedi B.Mýsın.

 

Al, oqýǵa túsetinder nemese jumysqa turatyn azamattar atalǵan anyqtamany qalaı alatyny ázirge aıtylmaı otyr.