Tergeýshige para usynǵan aqmolalyq 600 myń teńge aıyppul tóleıdi
KÓKShETAÝ. QazAqparat - Tergeýshige para usynǵan Aqmola oblysynyń turǵyny 600 000 teńge aıyppul tóleıtin boldy. Bul sheshimdi shyǵarǵan Stepnogor qalalyq soty oǵan qosa, kinálini ómir boıyna memlekettik qyzmette isteý quqyǵynan aıyrdy.
Bıyl aqpan aıynda 62 jastaǵy Aqkól aýdany Prıozernoe aýlynyń turǵynyna qatysty Stepnogor qalalyq ІІB tergeýshisinde QR QK 287 babynyń 3 bólimi (zańsyz qarý, jarylǵysh zattar men qondyrǵylardy saqtap, satyp alý jáne tasymaldaý) boıynsha is bolǵan edi. Qylmystyq isti tergeý barysynda 2016 jyldyń 12 naýryzynda atalǵan er adamnyń úıin tintý barysynda tergeýshimen jeke qalǵan ol para usynady. Tergeýshi paradan úzildi kesildi bas tartyp, kersinshe para usynǵany úshin zań aldynda jaýapqa tartylatynyn eskertken. Alaıda, er adam qoıarda qoıar bolmaı ózine qatysty qylmystyq isti jaýyp tastaýdy ótinedi.
Osydan keıin tergeýshi kúdiktiniń áreketin Aqmola oblystyq ІІD Ózindk qaýipsizdik basqarmasyna habarlaıdy.
29 naýryzda kúdikti Stepnogor qalalyq ІІB jaýap alýǵa shaqyrylady. Tergeý áreketi aıaqtalǵan soń kúdikti taǵyda tergeýshige para usynyp, jumys ústelindegi qaǵazdyń astyna 30 000 myń teńgeni qoıady.
Sol jerde kúdikti ІІD Jeke qaýipsizdigi basqarmasy men jemqorlyqqa qarsy qyzmettiń qyzmetkerlerimen ustalyp, ústinen QR QK 367-babynyń 1-bólimi boıynsha qylmystyq is qozǵalady.
«Osyǵan oraı Stepnogor qalalyq soty kinálige jaza retinde 600 000 aıyppul salyp, oǵan qosa ómir boıyna memlekettik qyzmette isteý quqyǵynan aıyrdy», dep kórsetilgen habarlamada.
