Tergeýshi sýdıalar tergeýshiler men prokýrorlardyń zańsyz áreketterine tosqaýyl boldy

ASTANA. QazAqparat - Qazaqstanda tergeý men prokýratýranyń zańsyz áreketterine tótep beretin júıe óz tıimdiligin kórsete bastady, dep xabarlaıdy QazAqparat tilshisi.

Ótken bir jyldyń ishinde tergeýshi sýdıalardyń qaraýyna 60 myńnan astam materıal tústi. "Sondaı-aq atalǵan sýdıalar tergeýge deıingi, tergeý kezindegi jáne prokýratýranyń jumysyna qatysty aryz-shaǵymdardy zerdelep shyqty. Sonyń tórtten bir bóligi rastaldy. Al qylmystyq jazalaý organdarynyń áreketteri zańsyz dep tanyldy. Osylaısha, sotqa deıingi kezeńde biraz adamdardyń quqyqtary qorǵaldy. Búginde el azamattarynyń osy tergeýshi sýdıalardyń qyzmetine jıi júginetinderin erekshe atap ótken jón. Demek, atalǵan ınstıtýt óz tıimdiligin kórsetti", - deıdi Joǵarǵy Sottyń qylmystyq ister jónindegi sot alqasynyń tóraǵasy Abaı Rahmetýlın.

Aıta keteıik, ótken jyly Qazaqstan sottarynda qaralǵan qylmystyq isterdiń sany artty. Degenmen, búginde eki jaq ymyraǵa kelip, qylmys jasaǵandardy jıi bosata bastady. Byltyr sotttarǵa túsken 16 529 qylmystyq is toqtatylyp, 18 854 adam jazadan qutyldy. "Olardyń barlyǵy zardap shekken jaqpen ymyraǵa kelip, shyǵyndy tolyǵymen ótedi. Sóıtip, aqtaý úkimderiniń sany 19,2 paıyzǵa artyp otyr. Osynyń ózi sot tóreligin júzege asyrý barysynda adamdy qamaýǵa alý sharalarynyń azaıyp kele jatqanyn kórsetse kerek", - deıdi Raxmetýllın.  Al jemqorlar aıyppuldyń basym bóligin bıýdjetke tólep úlgerdi .