Tergeýshi Janabylovqa qatysty jala jabý baby boıynsha shaǵymdanýy múmkin
ASTANA. KAZINFORM — Astanada Janabylovtar isi boıynsha sot protsesi jalǵasyp, blogerler Erbolat Janabylov pen Elmıra Tólegenovaǵa qatysty is boıynsha Ekonomıkalyq tergep-tekserý departamenti tergeýshisi bolyp taǵaıyndalǵan Abzal Álimhanovtan jaýap alý jalǵasty. Sot barysynda tergeýshi Erbolat Janabylov pen Elmıra Tólegenovaǵa qatysty jala jabý babymen shaǵym túsirý múmkindigin qarastyryp otyrǵanyn málimdedi.
— Erbolat Janabylovtyń tergeý tarapynan qysym kórsetildi degen málimdemeleri shyndyqqa sáıkes kelmeıdi. Mundaı jaǵdaılar bolǵan joq. Atalǵan ýájder oıdan shyǵarylǵan. Osyǵan baılanysty, qurmetti sot, men Erbolat Janabylovqa qatysty Qazaqstan Respýblıkasy Qylmystyq kodeksiniń 411-baby (aldyn ala tergep-tekserýdi júzege asyratyn adamǵa qatysty jala jabý) boıynsha qylmystyq is qozǵaý týraly quqyq qorǵaý organyna júginý quqyǵymdy qaldyramyn, — dedi tergeýshi sotta.
Aıta keteıik, prokýror bloger Janabylov pen áıelin 4 jylǵa sottaýdy surady.
