Tergeýge kelmegen Hrapýnovtardy 20 naýryzǵa deıin kelýge mindettedi
ASTANA. QazAqparat - Dúısenbi kúni tergeýge kelmegen Almatynyń burynǵy ákimi Vıktor Hrapýnov, onyń jubaıy Leıla Hrapýnova jáne olardyń týysy Aııar Ilıasovty 20 naýryzǵa deıin kelýge mindetteldi, dep habarlaıdy «QazAqparat» HAA QR Memlekettik qyzmet isteri jáne sybaılas jemqorlyqqa qarsy is-qımyl agentiginiń baspasóz qyzmetine silteme jasap.
Agenttikte habarlaǵandaı, budan buryn Vıktor jáne Leıla Hrapýnovtar jáne olardyń týysy Aııar Ilıasov 26 aqpanda Astanaǵa tergeýge shaqyrylǵan edi, alaıda olar belgilengen ýaqytta kelmegen jáne kelýge kedergi keltirgen sebepteri týraly da eskertpegen.
«Úkimdi jarııalaýǵa qatysý úshin jáne qajetti tergeý áreketterin júrgizý úshin kúdiktiler V.V. Hrapýnov, L.K. Hrapýnova men A.K. Ilıasov 2018 jyldyń 20 naýryzyna deıin Sybaılas jemqorlyqqa qarsy is-qımyl ulttyq bıýrosynyń ákimshilik ǵımaratyna kelýi tıis», - delingen habarlamada.
Eske salaıyq, Sybaılas jemqorlyqqa qarsy is-qımyl ulttyq bıýrosy Vıktor jáne Leıla Hrapýnovtarǵa, olardyń týysy Aııar Ilıasovqa qatysty qylmystyq isti tergep jatyr.
Qazirgi tańda tergeý barysynda jınalǵan dáleldemeler kúdikti V.V. Hrapýnovtyń áreketteri 1996 jylǵy QR QK 235-baby (bir nemese birneshe qylmys jasaǵany úshin uıymdasqan top qurý jáne ony basqarý, sondaı-aq oǵan qatysý), 176-baby (senip tapsyrylǵan múlikti zańsyz ıelený jáne urlaý), 177-baby (alaıaqtyq jasaý), 193-baby (zańsyz jolmen alynǵan aqshany jáne ózge múlikti zańdastyrý), 307-baby (laýazymdyq ókildigin asyra paıdalaný), 311-baby (para alý) boıynsha asa aýyr qylmystar jasaǵanyn anyqtaýǵa múmkindik berdi.
L.K.Hrapýnovanyń quqyqqa qaıshy áreketteri 235-baby (bir nemese birneshe qylmys jasaǵany úshin uıymdasqan top qurý jáne ony basqarý, sondaı-aq oǵan qatysý), 177-baby (alaıaqtyq jasaý) jáne 193-babyna (zańsyz jolmen alynǵan aqshany jáne ózge múlikti zańdastyrý) sáıkes kelse, al A.K.Іlııasov 177-baby (alaıaqtyq jasaý) boıynsha aıyptalýda.
«Kúdikti V.V.Hrapýnov, L.K.Hrapýnova jáne A.K.Іlııasovtyń QR aýmaǵynan tys jerde turýyna jáne qatysýdan jaltarýǵa baılanysty Sybaılas jemqorlyqqa qarsy is-qımyl qyzmeti zańǵa sáıkes, prokýrormen kelise otyryp BAQ-ta olardyń áreketterin saralaý týraly habarlama jarııalaıdy», - dep túsindiriledi vedomstvonyń habarlamasynda.
