Tergeýdegi adamdarǵa medıtsınalyq kómek kórsettim - atyraýlyq ardager
ATYRAÝ. QazAqparat – Atyraý qalasynda turatyn 81 jastaǵy ardager Bátish Násipqalıeva tergeý ızolıatorynda 40 jylǵa jýyq jumys istegen, dep habarlaıdy QazAqparat.
Ol ÝG-157/1 (tergeý ızolıatory) mekemesine medbıke bolyp jumysqa qabyldanǵanda, qobaljyǵan jasyrmaıdy. Óıtkeni, bul – erekshe kúzetiletin mekeme. Degenmen, tergeý ızolıatorynda 40 jylǵa jýyq jumys istep, zeınetke shyqqan.
«Ár mamandyqtyń ıeleri jumys kezinde qıyndyqqa tap bolyp, qýanyshqa bólenip jatady. Men tergeý ızolıatoryna medbıke bolyp jumysqa ornalasqan kez búgingiden ózgeshe edi. Jumys ornymyzdyń aty aıtyp turǵandaı, túrli qorqynyshty jaǵdaılar bolǵanyn jasyrmaımyn. Soǵan qaramastan, tergeý ızolıatoryndaǵy ár adamǵa jasaǵan qylmysyna qaramaı, medıtsınalyq kómek kórsetýimiz kerek. Biz muny qyzmettik mindetimiz dep túsindik. Sol mindetimizdi adal atqardyq. Osy mekemede kózdi ashyp-jumǵansha 40 jylǵa jýyq jumys istegenimdi ańǵarmaı qaldym», - deıdi 81 jastaǵy ardager Bátish Násipqalıeva.
Búgin, 1 qazan – halyqaralyq qarttar kúnine oraı ÝG-157/1 mekemesiniń qyzmetkerleri ardager Bátish Násipqalıevany úıine quttyqtap keldi.
«Biz ardagerimizdiń ómir jolyn úlgi tutamyz. Bir mekemeda taban aýdarmaı, 40 jylǵa jýyq jumys isteý ońaı emes. Bátish apamyz qıyndyqty eńserip, qyzmettik mińdetin adal atqardy. Eńbekqorlymen keıingi jastarǵa ónege kórsetti» - deıdi mekemeniń kadr saıasaty tobynyń aǵa ınspektory Mádı Ótebaev.
Eske sala ketelik, buǵan deıin Atyraýda túrmeniń aýlasyna 9 smartfon laqtyrǵan jigit ustalǵanyn jazǵan bolatynbyz.
