Tergeý qujattaryn qoldan jasaǵan qostanaılyq polıtseıler qamaldy

QOSTANAI. QazAqparat – Sotqa deıingi tergeý qujattarynda jalǵan dálelder paıdalanǵan Qostanaı oblysynyń tártip saqshylary qamaýǵa alyndy, dep habarlaıdy QazAqparat.

Sybaılas jemqorlyqqa qarsy kúres qyzmetiniń bas mamany Evgenıı Bedychtyń málimetinshe, Altynsarın aýdanynda polıtsııa bóliminiń jedel ýákilderi qyzmettik ókilettigin asyra paıdalandy jáne jalǵan qujat jasady degen kúdikpen qylmystyq jaýapkershilikke tartylyp otyr.

«Olar polıtsııa bólimindegi urlyqtardy ashý bólimshesiniń jumys nátıjesin asyra kórsetý maqsatynda sotqa deıingi tergeý qujattarynda jalǵan dálelder paıdalanǵan. Kúdiktiler 13 mamyr kúni ustalyp, sot sanktsııasymen qamaýǵa alyndy. Qazir tergeý sharalary júrip jatyr», - dedi E.Bedych.