Tergeý Dýrovty jaýap alý úshin sotqa jiberdi
ASTANA. KAZINFORM – Tergeýshi Telegram messendjeriniń negizin qalaýshy Pavel Dýrovty sotqa jiberýdi buıyrdy, ol jerde oǵan aıyp taǵylýy múmkin. Bul týraly Parıj prokýratýrasy habarlady, dep jazady TASS.
-Tergeýshi Dýrovty qamaýdan bosatyp, oǵan aıyp taǵý úshin sotqa berýdi buıyrdy, - delingen vedomstvo málimdemesinde.
Osyǵan deıin Pavel Dýrovqa 12 túrli aıyp taǵylǵany týraly jazdyq.
Parıj prokýratýrasy Pavel Dýrovqa taǵylýy múmkin 12 aıypty tizip aıtqan, onyń ishinde quzyrly organdarǵa aqparat berýden bas tartý, alaıaqtyq pen esirtki satýǵa qatysynyń bolýy, balalardyń pornografııalyq vıdeolaryn saqtaýǵa, kıberqylmystarǵa, aqsha jylystatýǵa qatysýy jáne t. b. bar.
Sondaı-aq Dýrovtyń qamaýǵa alynýy Telegram reıtıngisin jaqsartty.
Basylymnyń málimetinshe, Telegram AQSh-tyń úzdik mobıldi qosymshalary (oıyndardy qospaǵanda) reıtınginde 18-orynnan 8-orynǵa kóterildi. Bul AQSh-taǵy kem degende 2023 jyldyń 1 qańtarynan bergi eń joǵary reıtıng.
