Tergeý ataqty ánshi Prıns ózine qol saldy degen boljamdy joqqa shyǵardy
ASTANA. QazAqparat - Sot-medıtsınalyq sarapshylar 21 sáýir kúni qaza tapqan álemge áıgili amerıkalyq ánshi Prıns ózine qol saldy degen boljamdy joqqa shyǵardy, dep habarlady Bı-bı-sı.
Onyń denesi Mınnesotada óz úıindegi shaǵyn stýdııadan tabylǵan. Jergilikti saqshylar marqumnyń denesinen eshqandaı zorlyq-zombylyq belgilerin tappaǵanyn aıtady. Bul ony bireý zorlyqpen óltirdi degen nusqany da joqqa shyǵarady.
Ol 57 jasqa qaraǵan shaqta ómirden ozdy. Ajalynyń naqty neden bolǵany áli beımálim.
2004 jyly ánshiniń esimi rok-n-rolldyń Dańq zalyna engen. Ómir boıǵy ánshilik mansabynda onyń 100 mln-nan astam jazbasy satylǵan.
