Tergeý: Airbus A320 ushaǵynyń ushqyshy apat aldynda kabınadan shyǵyp, qaıta kire almaı qalǵan
ASTANA. QazAqparat - Seısenbi kúni Frantsııada apatqa ushyraǵan Germanwings kompanııasy ushaǵynyń ushqyshy ushaq qular aldynda ushqyshtar kabınasynan shyǵyp, oǵan qaıta kire almaǵan, dep habarlady RIA Novostı New York Times gazetine silteme jasap.
Basylym tergeýge qatysqandardyń biriniń sózin keltirgen. Ol «qara jáshikten» tabylǵan aqparattarǵa silteme jasaǵan. «Syrtta turǵan adam esikti sál qaqqan. Alaıda jaýap almady. Keıin qattyraq soqty. Alaıda jaýapsyz», - deıdi maman.
Onyń sózine qaraǵanda, jazba boıynsha ushqyshtyń esikti syndyrýǵa áreket jasaǵanyn baıqaýǵa bolady.
Alaıda Lufthansa áýekompanııasy bul aqparatty ázirge rastaı almaıtynyn habarlady.
Germanwings áýekompanııasynyń Airbus A320 ushaǵy seısenbi kúni apatqa ushyraǵan. Saldarynan 150 adam qaza tapty.
