Terezesiz ushaqtyń jobasy tanystyryldy (FOTO)
ASTANA. QazAqparat - Jurtshylyq nazaryna terezesiz IXION ushaǵynyń jobasy usynyldy.
Bul shaǵyn ushaqtyń terezeleriniń ornyna dıspleı ornatylǵan, olar ushý apparatynyń ishki jaǵyndaǵy kameralarǵa qosylǵan. Sonyń arqasynda jolaýshylar ushý kezindegi erekshe kórinisterdi tutastaı tamashalaı alady.
Sondaı-aq dıspleı arqyly fılmder men beıneklıpterdi tamashalaýǵa, ǵalamtor jelisine qosylyp, onlaın rejımde kelissózder júrgizýge bolady. Keshke qaraı bul ekrandar kúnniń batýyn nemese adamnyń boıyn bosańsytatyn basqa da anımatsııalardy kórsete alady.
Sondaı-aq IXION ushaǵynyń syrtqy jaǵynda onyń akkýmýlıatorlaryn qýattandyratyn kún batareıalary ornatylmaq. Aıta keteıik, ushaq jobasy International Yacht & Aviation Awards konkýrsynda basty júldelerdiń birin ıelendi.
Budan buryn Virgin Atlantic kompanııasy da óziniń birneshe áýe laıneriniń edenin jolaýshylar ushý kezinde jerdi barynsha tamashalaı alýy úshin shynydan qurastyrýdy josparlap otyrǵanyn jetkizgen edi, dep habarlaıdy Novate.
