Terezeni jabýdy suraımyz: Elordada masaǵa qarsy jumystar júrgizilýde
NUR-SULTAN. QazAqparat – Elorda saıabaqtarynda, gúlzarlarda jáne shetki aýdandarda masa sanyn azaıtý boıynsha jumystar júrip jatyr, dep habarlaıdy QazAqparat elorda ákimdiginiń resmı saıtyna silteme jasap.
«Nur-Sultan qalasynyń Qorshaǵan ortany qorǵaý jáne tabıǵatty paıdalaný basqarmasy «Stolıchnaıa dezınfektsııa» JShS-men birlesip, ashyq statsııalarǵa, ıaǵnı saıabaqtarǵa, gúlzarlarǵa, qalanyń shetki aýdandarynda óńdeý júrgizýde. Dezınsektsııalyq is-sharalar masalar men shirkeılerdiń sanyn azaıtýǵa baǵyttalǵan», - dedi ákimdikten.
Jumystar bıylǵy 30 sáýirde bastaldy.
«Óńdeý kezinde qala turǵyndary men qonaqtarynan saqtyq sharalaryn ustanýdy suraımyz. Atap aıtqanda, jumys júrgizilip jatqan tusta serýendemeý, dezmashına úıińizdiń aldynda jumys istep jatqan kezde terezelerdi jabýdy ótinemiz», - delingen vedomstvo habarlamasynda.
